د لېوال پليکه کلينيک يو ډيجيټل روغتيايي سپاچه(پليټپارم) ده چې روغتياپالان، ناروغان، موندونکي(تشخيص کوونکي) او درملوال به د هېواد او نړۍ پکچه سره تړي. ددغې سپاچې جوړولو چارې موږ له تېرو دوه کلونو څخه پيل کړې وې شکر دى اوس ددې جوګه شوو چې په ازميښتې ډول يې ځينې برخې له اړوند قدرمنو مسلکي ملګرو سره د شريکولو وياړ ولرو.

په دې هيله چې ددغې سپاچې په پرمختګ کې د همکارۍ وياړ راپه برخه کړئ، خپله هم ورڅه ګټه پورته کړئ او ناروغانو سره هم مرسته وکړو.

دلته د سپاچې ويبځاى او ويبپاڼو کې موږ د سيستم برخې ورو ورو تاسې سره شريکوو خو په بيړني ډول لاندې برخو کې همکارۍ ته اړتيا لرو:

١- روغتيايي قاموسونه، څانګنومونې(اصطلاحات) که تاسې پخپله برخه کې له انګريزي څخه پښتو ته Medical Terms, Glossary يا Medical Dictionary جوړه کړي وي هغه موږ سره شريکه کړئ چې ستاسې ترنامه لاندي يې لېوال قاموس برخه کړو او دغه سيستم کې د ژباړې لپاره وکارېږي، تاسې سره موږ ژمنه کوو چې د تل لپاره به پليکه ستاسې د توکو تازه کولو وړتيا درکوو او د نورو د همکارۍ لارې درسره پرانځو.

٢- د ناروغيو، درملو، موندنو په نومونه ې چې پورته ونو کې راځي پښتو ته ژباړلو کې مرسته او همکاري غواړو.

ستاسې د همکاريو په هيله د نورو مالوماتو لپاره dr.liwal.com وګورئ او اړيکو برخه کې د نورو لارو راسره ملګرى شئ.

له وړاندې ستاسې له همکارۍ څخه نړى مننه کوم.

په درنښت

نور رحمان لېوال
لېوال پليکه کلينيک، بنسټګر